Srečko Blažičko
Svestrani pisac, pjevač, poduzetnik i političar, dosad je objavio tri zbirke poezije: Hoditi po ljuckem (2012.), Na zvezde bi stal(2019.) i Na beli cesti (2022.).
Pohađao je rock akademiju te učio solo pjevanje kod profesorice Ljiljane Labazan. Održao je više samostalnih koncerata, nastupao je na glazbenim festivalima te izdao četiri nosača zvuka. Sklada pjesme na glazbu klasičnih autora, a uglazbio je niz kajkavskih pjesama.
Član stolništva Hrvatske udruge Muži zagorskog srca, odlikovan i u statusu viteza. Član je Etnoudruge Zipka iz Kumrovca, tajnik udruge Inicijativa za razvoj Općine Kumrovec, povjerenik u udruzi građana Cultural Network of South East Europe te član Krapinsko-zagorskog ogranka Društva hrvatskih književnika. Autor je kumrovečkih manifestacija: Trikraljski zvezdari, Kumrovečke plave kmice i Večeri u čast Sidonije Erdödy Rubido.
Na kajkavskom narječju piše poeziju i prozu.
Pjesme
GOSPON
Vekši gospon,
Vekši tat
I kuna mu je brat.
Na jeni ruki prsten zlat,
Z drugoj ti da štrik za vrat.
Ponavla se to neznano krat
I spet buš išel zarad 'jega v rat.
V LOGOŽARU
Vse su nas deli v jenu košaru,
Vse za malu paru.
I nas i žabe i bažul i babe i pravicu staru,
A mi sme tiho kak kokoš v logožaru.
Včeraj pravicu staru,
Denes v košaru.
Zbudite se,
Jutre bute na žaru!
PAJKOVA MREŽA
I ni treba bit Krleža
Da zveš:
Pokle hudega deža
Čist lepo se vidi
Pajkova mreža.
KNEZ
Ni dosti da si biser, ali dragi kamen,
Il' maš ka'šen drugi znamen.
Gda dojde knez,
Ki ma penez
I na tvoje sveklo veli amen,
Takaj potem buju rekli:
„Mel je lepi namen.“
OČI
Z vsakim dnevom vekše so bile,
Veliko krvi kmečke so spile.
Vnogo krat ž 'jih pošiknula strela,
Za rad penez iskra zletela.
Poznale niso soseda ni brata,
Niso videti štele kaj zišlo je z blata.
Do zadnje kosti vse moraju pojesti,
Med ljucke zizeke hitro se sesti.
Velke so bele, v sredi se črni,
Rojene plave, al hu jih barva bledi.
Tu vre čutiš da hvela je duša,
Da v 'jihovem srcu dolga je suša.
Za bleščečega dneva, ne v temi noči,
Same prazne su oči.
KAJ REČI?
Kaj mislite da smo bedasti
Če ne vemo krasti?
„Za to treba imati muda“,
Tak veli glava luda.
Oni ki ma muda je muž.
Ki jih nima, ma roge, je puž.
To velja vu zemle Horvacke
Gde hodiju noge bracke.
FRAK
Ni mi drak
Ni škrlak
Ni frak
Ta smeh
V kerem ni smeha
Gospoda a bez greha
Da vam je znati
Kaki su to tati
ZA KOLOVOZOM
Za kolovozom blatnim, zarašenim
Je trnac, je hiža z krovom rženim.
Zdavna vtihnul tu dečji je glas.
Zdavna na ivi ne zlati se klas.
Jena za drugom, kak soze, hruške padaju nakle.
Jih nigdo ne bere, ni muža, ne dekle.
Vse se došlo i streha i človek.
Ni trnac, ni hiža nisu zanavek.
Spomin je zbledel, a ostal muk.
Tu dedek je živel, povedal bu vnuk.
za risvičkim kolovozom, v jesen 2011.
NA PAPERU
Kaj velja i ono
Kaj je črno na belo
Gda človek
Misli samo na jelo.
Nigdar ni bilo
Kaj je preprečilo
Črno na belo
Da se ljucko pojelo.
NEVUMJAKI
Tisoče let soza, poti, muke.
Tisoč let straha, žulave, krvave ruke.
Vnogem telu i duši hvenul je cvet
Da bi došel ja na svet.
Gdo ma pravicu življe'je mi vzet?
Zakaj trgat peroti za let?
Vsu kmicu, sveklo i hrepene'je podret.
Kaj velja na grobu cvet.
KORAK
Na vsakem puti
Ni dosti jen korak.
Teško je onem
Gdo misli da ni lak.
Moral bu ga projti i
Na konec dojti --
Tak i tak.